100 തികച്ച് കോൺഗ്രസ്; വിമതൻ വിശാൽ പാട്ടീൽ തിരിച്ചെത്തി
മഹാരാഷ്ട്രയിലെ സാംഗ്ലിയിൽ കോൺഗ്രസ് വിമതനായി മത്സരിച്ച് ജയിച്ച വിശാൽ പാട്ടീൽ തിരിച്ച്‌ പാർടിയിലെത്തി. കോൺഗ്രസിനെ പിന്തുണക്കുന്ന കത്ത് വിശാൽ അധ്യക്ഷൻ മല്ലികാർജുർ ഖാർഗെക്ക് കൈമാറി. മുൻ മഹാരാഷ്&zwnj…
മഹാരാഷ്ട്രയിലെ സാംഗ്ലിയിൽ കോൺഗ്രസ് വിമതനായി മത്സരിച്ച് ജയിച്ച വിശാൽ പാട്ടീൽ തിരിച്ച് പാർടിയിലെത്തി. കോൺഗ്രസിനെ പിന്തുണക്കുന്ന കത്ത് വിശാൽ അധ്യക്ഷൻ മല്ലികാർജുർ ഖാർഗെക്ക് കൈമാറി.
മുൻ മഹാരാഷ്‌ട്ര മുഖ്യമന്ത്രി വസന്ത്ദാദ പാട്ടീലിന്റെ പേരക്കുട്ടിയാണ് വിശാൽ പാട്ടീൽ. മഹാവികാസ് അഘാഡി സഖ്യത്തിലെ ധാരണപ്രകാരം സാംഗ്ലി മണ്ഡലം ശിവസേന ഉദ്ധവ് വിഭാഗത്തിന് നൽകാൻ തീരുമാനിച്ചതിൽ പ്രതിഷേധിച്ചാണ് വിശാൽ സ്വതന്ത്രനായി മത്സരിച്ചത്‌. ശിവസേന ഉദ്ധവ് വിഭാഗം സ്വന്തം നിലയിൽ ചന്ദ്രഹാർ പാട്ടീലിനെ സ്ഥാനാർത്ഥിയായി പ്രഖ്യാപിക്കുകയും ചെയ്തു. ബിജെപി സിറ്റിംഗ്‌ എംപി സഞ്ജയ്‌ കാക പാട്ടീലിനെ ഒരു ലക്ഷം വോട്ടിന്‌ പരാജയപ്പെടുത്തിയാണ്‌ വിശാൽ ജയം പിടിച്ചത്‌. ചന്ദ്രഹാർ പാട്ടീലിന്‌ മൂന്നാമതെത്താനേ സാധിച്ചുള്ളൂ.
