സഹകരണ വികസന ക്ഷേമ ബോർഡ് 2.14 കോടി ധനസഹായം നൽകും

കേരള സഹകരണ റിസ്ക് ഫണ്ട് പദ്ധതിയുടെ ഭാഗമായി ഇടുക്കിയിലെ വിവിധ സഹകരണ ബാങ്കുകൾ, സംഘങ്ങൾ എന്നിവയിൽ നിന്ന് വായ്പ എടുത്ത ശേഷം മരണമടയുകയോ മാരക രോഗം ബാധിക്കുകയോ ചെയ്തവർ/ ആശ്രിതർ നൽകിയ അപേക്ഷകളിൽ അർഹരായവർക്ക് ധനസഹായം നൽകും.

സഹകരണ വികസന ക്ഷേമനിധി ബോർഡിന്റെ പദ്ധതിയിൽ 311 അപേക്ഷകർക്ക് 2,14,66,550 രൂപയാണ് നൽകുന്നത്. ഇതിന്റെ ഉദ്ഘാടനം തൊടുപുഴ മർച്ചന്റ് ട്രസ്റ്റ് ഹാളിൽ 5 ന് രാവിലെ 10.30 ന് മന്ത്രി വി.എൻ. വാസവൻ നിർവഹിക്കും. പി.ജെ. ജോസഫ് എം.എൽ.എ അധ്യക്ഷത വഹിക്കും. ഇടുക്കി ജില്ലാ പഞ്ചായത്ത് പ്രസിഡന്റ് കെ.ടി ബിനു, സഹകരണ സംഘം രജിസ്ട്രാർ ടി.വി സുഭാഷ്, ജനപ്രതിനിധികൾ, ഉദ്യോഗസ്ഥർ എന്നിവർ പങ്കെടുക്കും.