രണ്ട് വയസുകാരി കുഴഞ്ഞുവീണ് മരിച്ചു

കോഴിക്കോട്: രണ്ട് വയസുകാരി കുഴഞ്ഞുവീണ് മരിച്ചു. വടകരയിലാണ് സംഭവം. കുറുമ്ബ സ്വദേശി പ്രകാശിന്റെയും ലിജിയുടേയും രണ്ടു വയസുകാരിയായ മകള്‍ 'ഇവ'യാണ് മരിച്ചത്.

ഛർദ്ദിയെ തുടർന്ന് കുഴഞ്ഞുവീണ കുട്ടിയെ മാതാപിതാക്കള്‍ വടകര ജില്ലാ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല. പോസ്റ്റ്മോർട്ടത്തിനായി മൃതദേഹം കോഴിക്കോട് മെഡിക്കല്‍ കോളേജ് മോർച്ചറിയിലേക്ക് മാറ്റി.