സർട്ടിഫിക്കറ്റ് പരിശോധന

തിരുവിതാംകൂർ ദേവസ്വം ബോർഡിലെ പാർട്ട് ടൈം ശാന്തി (01/2023) തസ്തികയുടെ 2024 മാർച്ച് 19 ന് പ്രസിദ്ധീകരിച്ച 02/2024 നമ്പർ ചുരുക്കപ്പട്ടികയിൽ ഉൾപ്പെട്ടിട്ടുള്ള ഉദ്യോഗാർഥികളുടെ സർട്ടിഫിക്കറ്റ് പരിശോധന ഒക്ടോബർ 7, 8, 9, 10, 11 തീയതികളിൽ രാവിലെ 10.30 മണി മുതലും പാർട്ട് ടൈം പുരോഹിതൻ (06/2023) തസ്തികയുടെ 2024 മാർച്ച് 19 ന് പ്രസിദ്ധീകരിച്ച 03/2024 നമ്പർ ചുരുക്കപ്പട്ടികയിൽ ഇടം നേടിയ ഉദ്യോഗാർഥികളുടെ സർട്ടിഫിക്കറ്റ് പരിശോധന ഒക്ടോബർ 11ന് ഉച്ചയ്ക്ക് 1.30 മുതലും കേരള ദേവസ്വം റിക്രൂട്ട്മെന്റ് ബോർഡ് ആസ്ഥാനത്ത് നടക്കും.

പ്രസ്തുത തസ്തികകളുടെ ചുരുക്കപ്പട്ടികയിൽ ഉൾപ്പെട്ടിട്ടുള്ള ഉദ്യോഗാർഥികളുടെ രജിസ്റ്റർ നമ്പറുകളുടെ അതേ ക്രമത്തിൽ ആയിരിക്കും വെരിഫിക്കേഷൻ നടത്തുന്നത്. ഓരോ രജിസ്റ്റർ നമ്പറിനും നിശ്ചയിക്കപ്പെട്ട സമയത്ത് ആവശ്യമായ സർട്ടിഫിക്കറ്റുകളുടെ അസലും, കോപ്പിയും സഹിതം നേരിട്ട് ഹാജരാകണം. അല്ലാത്തപക്ഷം ഉദ്യോഗാർഥികളെ റാങ്ക് ലിസ്റ്റിൽ ഉൾപ്പെടുത്തിന്നതല്ല.

യാതൊരു കാരണവശാലും ഉദ്യോഗാർഥികൾക്കായി നിശ്ചയിക്കപ്പെട്ട സർട്ടിഫിക്കറ്റ് വെരിഫിക്കേഷൻ നടത്തുന്നതിനുള്ള തീയതി, പ്രമാണങ്ങൾ ഹാജരാക്കുന്നതിന്റെ സമയപരിധി എന്നിവ നീട്ടി നൽകുന്നതല്ല. വെരിഫിക്കേഷൻ തീയതി, സമയം, സ്ഥലം ഇവ സംബന്ധിച്ച വിശദാംശങ്ങൾ കേരള ദേവസ്വം റിക്രൂട്ട്മെന്റ് ബോർഡിന്റെ ഔദ്യോഗിക വെബ്സൈറ്റിൽ (www.kdrb.kerala.gov.in) പ്രസിദ്ധീകരിക്കും. എല്ലാ ഉദ്യോഗാർഥികൾക്കും ഇത് സംബന്ധിച്ച് എസ്എംഎസ് നൽകും. ഒക്ടോബർ 1 വരെ യാതൊരു അറിയിപ്പും ലഭിക്കാത്ത ചുരുക്ക പട്ടികയിൽ ഉൾപ്പെട്ട ഉദ്യോഗാർഥികൾ കേരള ദേവസ്വം റിക്രൂട്ട്മെന്റ് ബോർഡിന്റെ ഓഫീസുമായി നേരിട്ട് ബന്ധപ്പെടണം.