കോണ്‍ഗ്രസ് നേതാവ് വെള്ളനാട് ശശി സിപിഐഎമ്മില്‍ ചേര്‍ന്നു
കെപിസിസി എക്സിക്യൂട്ടീവ് അംഗവും തിരുവനന്തപുരം ജില്ലാ പഞ്ചായത്തംഗവുമായ വെള്ളനാട് ശശിയും വെള്ളനാട് പ്രദേശത്തെ പ്രവർത്തകരും സിപിഐ എമ്മിനൊപ്പം ചേർന്ന് പ്രവർത്തിക്കുവാൻ തീരുമാനിച്ചു. കോൺഗ്രസിന്റെ നയങ്ങളിൽ…
കെപിസിസി എക്സിക്യൂട്ടീവ് അംഗവും തിരുവനന്തപുരം ജില്ലാ പഞ്ചായത്തംഗവുമായ വെള്ളനാട് ശശിയും വെള്ളനാട് പ്രദേശത്തെ പ്രവർത്തകരും സിപിഐ എമ്മിനൊപ്പം ചേർന്ന് പ്രവർത്തിക്കുവാൻ തീരുമാനിച്ചു. കോൺഗ്രസിന്റെ നയങ്ങളിൽ പ്രതിഷേധിച്ച് പാർടി വിടുന്നതായി ശശി പറഞ്ഞു. ജില്ലാ പഞ്ചായത്ത് അംഗമെന്ന സ്ഥാനം രാജിവെച്ചാണ് സിപിഐ എമ്മിനൊപ്പം ചേരുന്നത്.
യുഡിഎഫ് സ്ഥാനാര്‍ത്ഥി അടൂര്‍ പ്രകാശിന്റെ ബിജെപി ബന്ധത്തില്‍ പ്രതിഷേധിച്ചാണ് ശശി കോണ്‍ഗ്രസ് വിടുന്നതെന്ന് സിപിഐഎം നേതാവ് ആനാവൂര്‍ നാഗപ്പന്‍ പറഞ്ഞു.സിപിഐഎമ്മിന്റെ എല്ലാ സഹായങ്ങളും ശശിക്ക് ഉണ്ടാവും. കോണ്‍ഗ്രസിന്റെ തെറ്റായ പോക്കില്‍ പ്രതിഷേധിച്ച് ഇനിയും ആളുകള്‍ വരാന്‍ ചാന്‍സ് ഉണ്ട്. വരും ദിവസങ്ങളില്‍ ഇത്തരം സംഭവങ്ങള്‍ പ്രതീക്ഷിക്കാം. വെള്ളനാട് ശശിയെ സന്തോഷപൂര്‍വ്വം സ്വീകരിക്കുന്നുവെന്നും ആനാവൂര്‍ നാഗപ്പന്‍ പറഞ്ഞു.
ബിജെപി ജയിച്ചാലും സിപിഐഎം വിജയിക്കരുത് എന്ന് നിലപാടിലാണ് അടൂര്‍ പ്രകാശ്. അദ്ദേഹം വിജയിക്കുക പ്രയാസമാണ്. സിപിഐഎം സ്ഥാനാര്‍ത്ഥി ജോയി 3000ത്തിന് മുകളില്‍ ഭൂരിപക്ഷത്തില്‍ വിജയിക്കും. അതില്‍ സംശയം വേണ്ട. പ്രായമായെങ്കിലും ഇരുപത്തഞ്ചുകാരന്റെ ചെറുപ്പവും തന്റേടവും തനിക്കുണ്ടെന്നും വെള്ളനാട് ശശി പറഞ്ഞു.
