സിപിഐഎം 24-ാം പാർടി കോൺഗ്രസ് ലോഗോ പ്രകാശനം ചെയ്തു

സിപിഐ എം 24-ാം പാർടി കോൺഗ്രസിന്റെ ലോഗോ പ്രകാശനവും സ്വാ​ഗതസംഘം ഓഫീസിന്റെ ഉദ്ഘാടനവും നടന്നു. മധുരയിലെ തീക്കതിർ ഹാളിൽ നടന്ന ചടങ്ങിൽ കേന്ദ്ര കമ്മറ്റി അം​ഗം യു വാസുകിയാണ് ലോ​ഗോ പ്രകാശനം ചെയ്തത്. സ്വാഗതസംഘം ചെയർമാനും കേന്ദ്ര കമ്മറ്റി അം​ഗവുമായ കെ ബാലകൃഷ്ണൻ സ്വാഗതസംഘം ഓഫീസ് ഉദ്ഘാടനം ചെയ്ത് മുഖ്യപ്രഭാഷണം നടത്തി. പാർടി തമിഴ്നാട് സംസ്ഥാന സെക്രട്ടറി പി ഷൺമുഖം യോഗത്തിൽ അധ്യക്ഷത വഹിച്ചു. സ്വാഗതസംഘം സെക്രട്ടറി സു വെങ്കിടേശൻ എംപി സ്വാഗതം പറഞ്ഞു. ഏപ്രിൽ 2 മുതൽ 6 വരെ മധുരയിൽ വച്ചാണ് 24-ാം പാർടി കോൺഗ്രസ് നടക്കുന്നത്.