ഡോ സിന്ധു രചിച്ച 'വിമൻ ഇമേജസ് ആൻഡ് റെപ്രസന്റേഷൻസ്: ന്യൂസ് പേപ്പേഴ്സ് അറ്റ് വർക്ക്' പുസ്തകത്തിൻറെ പ്രകാശനം നാളെ

ജേർണലിസം അധ്യാപികയായ ഡോ സിന്ധു രചിച്ച വിമൻ ഇമേജസ് ആൻഡ് റെപ്രസന്റേഷൻസ്: ന്യൂസ് പേപ്പേഴ്സ് അറ്റ് വർക്ക് എന്ന പുസ്തകത്തിൻറെ പ്രകാശനം ബഹുമാനപ്പെട്ട പൊതുവിദ്യാഭ്യാസ വകുപ്പ് മന്ത്രി ശ്രീ ശിവൻകുട്ടി നിർവഹിക്കും. വൈഎംസിഎ ഹാളിൽ ഇന്ന് വൈകുന്നേരം 4 മണിക്കാണ് പരിപാടി. മാധ്യമപ്രവർത്തകയും എഴുത്തുകാരിയുമായ ആർ പാർവതി ദേവി, വർക്കിംഗ് ജേണലിസ്റ്റ് യൂണിയൻ ജില്ലാ സെക്രട്ടറി അനുപമ ജി നായർ, കേരള ശാസ്ത്ര സാഹിത്യ പരിഷത്ത് മുൻ പ്രസിഡൻറ് ടി രാധാമണി, തിരുവനന്തപുരം ഗവ. വിമൻസ് കോളേജിലെ അസോസിയേറ്റ് പ്രൊഫസർ ഡോ എസ് എച്ച് എസ് എസ് ധർമ്മജ, മുൻ എ ഡി പി ആർ രാജശേഖരൻ പി എസ് എന്നിവർ പങ്കെടുക്കും. വാർത്തകളിലൂടെ സ്ത്രീകളുടെ പ്രതിച്ഛായ രൂപീകരണം പത്രങ്ങൾ നിർവഹിക്കുന്നത് എങ്ങനെ എന്ന വിഷയത്തെ അടിസ്ഥാനമാക്കിയാണ് പുസ്തകം എഴുതിയിരിക്കുന്നത്.