തെരെഞ്ഞെടുപ്പ് അല്ലെ !!! '; പെട്രോള്‍ - ഡീസല്‍ വില രണ്ട് രൂപ കുറച്ചിട്ടുണ്ട് കേട്ടോ
ലോക്‌സഭാ തിരഞ്ഞെടുപ്പ് പ്രഖ്യാപിക്കാന്‍ ദിവസങ്ങള്‍ മാത്രം ബാക്കി നില്‍ക്കെ ഇന്ധന വില കുറച്ച് കേന്ദ്രം. പെട്രോള്‍ - ഡീസല്‍ വിലയാണ് കുറച്ചു. രണ്ട് രൂപയാണ് കുറച്ചത്. കേന്ദ്രമന്ത്രി ഹര്‍ദീപ് സിംഗ് പുരി എ…
ലോക്‌സഭാ തിരഞ്ഞെടുപ്പ് പ്രഖ്യാപിക്കാന്‍ ദിവസങ്ങള്‍ മാത്രം ബാക്കി നില്‍ക്കെ ഇന്ധന വില കുറച്ച് കേന്ദ്രം. പെട്രോള്‍ - ഡീസല്‍ വിലയാണ് കുറച്ചു. രണ്ട് രൂപയാണ് കുറച്ചത്. കേന്ദ്രമന്ത്രി ഹര്‍ദീപ് സിംഗ് പുരി എക്സിലൂടെയാണ് ഇക്കാര്യം അറിയിച്ചത്.പുതുക്കിയ വില മാർച്ച് 15 രാവിലെ 6 മുതൽ പ്രാബല്യത്തിൽ വരും. അന്താരാഷ്‌ട്ര മാർക്കറ്റിൽ ക്രൂഡ് ഓയില്‍ വിലയിൽ തുടർച്ചയായി കുറവുകൾ വന്നിട്ടും രാജ്യത്ത് പെട്രോൾ ഡീസൽ നിരക്ക് പഴയപടി ഉയർന്ന് നിൽക്കുന്നത് തിരിച്ചടിയായേക്കുമെന്ന ആശങ്കയിലായിരുന്നു കേന്ദ്ര സർക്കാർ. ഇന്ത്യയിൽ 2022 ഏപ്രില്‍ മുതല്‍ ഇന്ധനവില കാര്യമായ മാറ്റമില്ലാതെ തുടരുകയാണ്. വിലനിർണ്ണയത്തിൽ സമഗ്രമായ അവലോകനം നടക്കുന്നതോടെ അഞ്ച് രൂപ മുതല്‍ പത്ത് രൂപ വരെ ലിറ്ററിന് കുറവ് വരുത്താവുന്ന സാഹചര്യം നിലനിൽക്കുന്നു എന്നായിരുന്നു കണക്കാക്കിയിരുന്നത്. എന്നാൽ കേവലം രണ്ട് രൂപ കുറച്ച് തെരഞ്ഞെടുപ്പ്‌ കഴിയുന്നതുവരെ പ്രചാരണവിഷയമാക്കാനാണ്‌ ബിജെപി നീക്കം.
