എൻജിനിയറിങ് വിത്ത് പൈത്തൺ പരിശീലനം

സംസ്ഥാന സർക്കാരിന് കീഴിൽ പ്രവർത്തിക്കുന്ന അന്താരാഷ്ട്ര സ്വതന്ത്രവിജ്ഞാന ഗവേഷണ വികസനകേന്ദ്രം (ഐസിഫോസ്) ‘എഞ്ചിനീയറിംഗ് വിത്ത് പൈത്തൺ’ എന്ന വിഷയത്തിൽ 30 മണിക്കൂർ ദൈർഘ്യമുള്ള ഓൺലൈൻ സർട്ടിഫിക്കേഷൻ പ്രോഗ്രാം സംഘടിപ്പിക്കുന്നു. ജൂലൈ 14 മുതൽ ആഗസ്റ്റ്  2 വരെയാണ് പരിശീലനം.

സ്വതന്ത്ര സോഫ്റ്റുവെയർ ഉപയോഗിച്ചുകൊണ്ട് പൈത്തൺ വൈദഗ്ധ്യം വർധിപ്പിക്കുക എന്ന ലക്ഷ്യത്തോടെയാണ് പരിപാടി. 15 പ്രവർത്തി ദിവസങ്ങളിലായി 30 മണിക്കൂർ നീണ്ടുനിൽക്കുന്ന ഈ പ്രോഗ്രാമിന്റെ പരിശീലനം വൈകുന്നേരം 6 മുതൽ 8 മണി വരെ ആയിരിക്കും. വിദ്യാർത്ഥികൾക്കും, അധ്യാപകർക്കും പ്രൊഫഷണലുകൾക്കും പങ്കെടുക്കാം.   രജിസ്‌ട്രേഷൻ ഫീ 2,500. ഒരു ബാച്ചിൽ 50 പേർക്ക് പങ്കെടുക്കാം. താൽപര്യമുള്ളവർ ജൂലൈ 11 നകം അപേക്ഷിക്കണം. കൂടുതൽ വിവരങ്ങൾക്കും രജിസ്‌ട്രേഷനും: https://icfoss.in/event-details/213, +91 7356610110 | +91 471 2413012 / 13 / 14 | +91 9400225962.