എതിർക്കുന്നത് രാമക്ഷേത്രത്തെയല്ല, പള്ളി പൊളിച്ച് ക്ഷേത്രം പണിയുന്നതിനെ: ഉദയനിധി സ്റ്റാലിൻ

അയോധ്യയിലെ രാമക്ഷേത്രത്തിനെയല്ല, മസ്ജിദ് പൊളിച്ച് ക്ഷേത്രം പണിയുന്നതിനെയാണ് ഡിഎംകെ എതിർക്കുന്നതെന്ന് തമിഴ്നാട് കായിക, യുവജനക്ഷേമ മന്ത്രിയും ഡിഎംകെ നേതാവുമായ ഉദയനിധി സ്റ്റാലിൻ. വിശ്വാസവും രാഷ്ട്രീയവും തമ്മിൽ കലർത്തരുത്. ഡിഎംകെ ഏതെങ്കിലും മതത്തിനോ വിശ്വാസത്തിനോ എതിരല്ലെന്ന് കരുണാനിധി തന്നെ പറഞ്ഞതാണെന്നും ഉദയനിധി ചെന്നൈയിൽ മാധ്യമപ്രവർത്തകരോട് പറഞ്ഞു. തിങ്കളാഴ്ച രാമക്ഷേത്രത്തിന്റെ പ്രതിഷ്ഠാ ചടങ്ങ് നടക്കാനിരിക്കെയാണ് പ്രതികരണം.