ലോ മാസ്റ്റ് ലൈറ്റ് സ്ഥാപിച്ചു
മുള്ളന്‍കൊല്ലി ഗ്രാമപഞ്ചായത്തില്‍ സ്ഥാപിച്ച ലോ മാസ്റ്റ് ലൈറ്റുകള്‍ ഐ.സി ബാലകൃഷ്ണന്‍ എം.എല്‍.എ ഉദ്ഘാടനം ചെയ്തു. ഗ്രാമപഞ്ചായത്തിലെ മരക്കടവ് പള്ളികവല, പാറക്കടവ്, തറപ്പത…
മുള്ളന്‍കൊല്ലി ഗ്രാമപഞ്ചായത്തില്‍ സ്ഥാപിച്ച ലോ മാസ്റ്റ് ലൈറ്റുകള്‍ ഐ.സി ബാലകൃഷ്ണന്‍ എം.എല്‍.എ ഉദ്ഘാടനം ചെയ്തു. ഗ്രാമപഞ്ചായത്തിലെ മരക്കടവ് പള്ളികവല, പാറക്കടവ്, തറപ്പത്തുകവല, ചാമപ്പാറ ശിവക്ഷേത്രം, കൊളവള്ളി കോളനി, പാറക്കവല, പറുദീസ കവല, ഗ്രഹന്നൂര്‍, മരക്കടവ് സ്‌കൂള്‍ കവല, പാതിരി ചങ്ങല ഗേറ്റ്, പെരിക്കല്ലൂര്‍ കടവ് എന്നിവിടങ്ങളിലാണ് ഐ.സി ബാലകൃഷ്ണന്‍ എം.എല്‍.എ.യുടെ ആസ്തി വികസന ഫണ്ട് ഉപയോഗിച്ച് 12 ലോ മാസ്റ്റ് ലൈറ്റുകള്‍ സ്ഥാപിച്ചത്.
മുള്ളന്‍കൊല്ലി ഗ്രാമപഞ്ചായത്ത് പ്രസിഡന്റ് പി.കെ വിജയന്‍ അധ്യക്ഷനായ പരിപാടിയില്‍ പനമരം ബ്ലോക്ക് പഞ്ചായത്ത് പ്രസിഡന്റ് ഗിരിജ കൃഷ്ണന്‍, ജനപ്രതിനിധികളായ ജോസ് നെല്ലേടം, ഷിനു കച്ചറയില്‍, പി.കെ ജോസ്, ലില്ലി തങ്കച്ചന്‍, ചന്ദ്രബാബു, മരക്കടവ് സെന്റ് ജോസഫ് പള്ളി വികാരി ഫാ. ജോമേഷ് തേക്കിലക്കാട്ടില്‍, മദര്‍ സുപ്പീരിയര്‍ ജോസിനി തുടങ്ങിയവര്‍ സംസാരിച്ചു.
