അമ്പായപ്പുറത്ത് മരക്കാട്ട് കണ്ടി – തച്ചോറ മല കനാൽ പാലം ഉദ്ഘാടനം ചെയ്തു

അമ്പായപ്പുറത്ത് മരക്കാട്ട് കണ്ടി- തച്ചോറ മല കനാൽ പാലം വനം വന്യജീവി സംരക്ഷണ വകുപ്പ് മന്ത്രി എ കെ ശശീന്ദ്രൻ ഉദ്ഘാടനം ചെയ്തു. നാടിന് ആവശ്യമായ വികസന പ്രവർത്തനങ്ങൾ മാറ്റിവയ്ക്കാൻ പാടില്ലെന്ന കാഴ്ചപ്പാടാണ് സർക്കാരിനുള്ളതെന്ന് മന്ത്രി പറഞ്ഞു. പണത്തിന്റെ വിതരണം പ്രാദേശിക തലത്തിൽ എത്തിക്കുന്നതിലൂടെ അതിദാരിദ്ര്യം ഇല്ലായ്മ ചെയ്യാൻ സാധിക്കും. ആ രൂപത്തിലുള്ള ലക്ഷ്യം മുന്നിൽകണ്ട് പ്രവർത്തനങ്ങൾ നടത്താനാണ് സർക്കാർ തിരുമാനമെന്നും മന്ത്രി പറഞ്ഞു. എംഎൽഎയുടെ ആസ്തിവികസന ഫണ്ടിൽ നിന്നും ആര് ലക്ഷം രൂപ ചെലവഴിച്ചാണ് പാലത്തിന്റെ നിർമ്മാണം പൂർത്തീകരിച്ചത്.

ചേളന്നൂർ ബ്ലോക്ക് പഞ്ചായത്ത് പ്രസിഡന്റ് കെ പി സുനിൽകുമാർ അധ്യക്ഷത വഹിച്ചു. ജില്ലാ പഞ്ചായത്ത് അംഗം ഇ ശശീന്ദ്രൻ, ബ്ലോക്ക് പഞ്ചായത്ത് അംഗം ആയിഷ, ഗ്രാമപഞ്ചായത്ത് അംഗങ്ങളായ പ്രകാശൻ മുത്തേടത്ത്, ഇ എം പ്രകാശൻ, വിവിധ രാഷ്ട്രീയപാർട്ടി പ്രതിനിധികൾ തുടങ്ങിയവർ സംസാരിച്ചു. സ്വാഗതസംഘം കൺവീനർ എ പി ഗോപാലൻകുട്ടി സ്വാഗതവും ചെയർമാൻ എം കെ ഷിജു നന്ദിയും പറഞ്ഞു.