15,000 ലധികം ആശാ വർക്കർമാർ കാൻസർ സ്‌ക്രീനിംഗിൽ പങ്കെടുത്തു

‘ആരോഗ്യം ആനന്ദം-അകറ്റാം അർബുദം’ ജനകീയ കാൻസർ പ്രതിരോധ ക്യാമ്പയിന്റെ ഭാഗമായി സംസ്ഥാനത്തെ 15,068 ആശാവർക്കർമാർ സ്‌ക്രീനിംഗിൽ പങ്കെടുത്തതായി ആരോഗ്യ വകുപ്പ് മന്ത്രി വീണാ ജോർജ് അറിയിച്ചു. 216 പേരെ തുടർ പരിശോധനയ്ക്കായി റഫർ ചെയ്തിട്ടുണ്ട്. ക്യാമ്പയിന്റെ ഭാഗമായി മുൻ നിശ്ചയ പ്രകാരം ഫെബ്രുവരി 17, 18 തീയതികളിലാണ് ആശമാർക്ക് പ്രത്യേകമായി സ്‌ക്രീനിംഗ് നടത്തിയത്. ബഹുഭൂരിപക്ഷം ആശമാരും സ്‌ക്രീനിംഗിൽ പങ്കെടുത്തു. ശേഷിക്കുന്നവർക്ക് തുടർദിവസങ്ങളിൽ സ്‌ക്രീനിംഗിൽ പങ്കെടുക്കാവുന്നതാണ്.