പ്രധാനമന്ത്രി മദ്ധ്യപ്രദേശിൽ; ​ഗുരുജി മഹാരാജ് ക്ഷേത്രത്തിൽ ദർശനം നടത്തി

മദ്ധ്യപ്രദേശിലെ പ്രശസ്തമായ ​ഗുരുജി മഹാരാജ് ക്ഷേത്രത്തിൽ ദർശനം നടത്തി പ്രധാനമന്ത്രി നരേന്ദ്രമോ​ദി. ക്ഷേത്രത്തിൽ നടന്ന പ്രത്യേക പൂജയിൽ പ്രധാനമന്ത്രി പങ്കെടുത്തു. ​ഗുരുജി മഹാരാജിന് ആരതിയുഴിയുകയും പൂജ നടത്തുകയും ചെയ്തു.

പ്രധാനമന്ത്രിക്ക് ​ഗംഭീര സ്വീകരണമാണ് ക്ഷേത്രപുരോഹിതന്മാർ നൽകിയത്. തേങ്ങ, പൂക്കൾ, പഴങ്ങൾ, പട്ടുവസ്ത്രങ്ങൾ എന്നിവ താലത്തിൽ വച്ച് ഭ​ഗവാന് സമർപ്പിച്ചു. ഭ​ഗവാന് മുന്നിൽ പൂജ നടത്തുന്ന പ്രധാനമന്ത്രിയുടെ വീഡിയോ പുറത്തുവന്നിട്ടുണ്ട്. ഇസാ​ഗഢിലെ അശോക്ന​ഗറിലുള്ള ആനന്ദ്പൂർ ധാമും പ്രധാനമന്ത്രി സന്ദർശിച്ചു. ആനന്ദ് സരോവറിൽ പ്രധാനമന്ത്രി പുഷ്പാർച്ചനയും നടത്തി.