പൈനാവ് മോഡൽ പോളിടെക്നിക്കിൽ ഹ്രസ്വകാല കോഴ്സുകൾ

പൈനാവ് മോഡൽ പോളിടെക്നിക് കോളേജിൽ ഐ എച്ച് ആർ ഡി ആഭിമുഖ്യത്തിൽ ആരംഭിക്കുന്ന പോസ്റ്റ് ഗ്രാജ്വേറ്റ് ഡിപ്ലോമ ഇൻ കമ്പ്യൂട്ടർ ആപ്ലിക്കേഷൻ, ഡിപ്ലോമ ഇൻ കമ്പ്യൂട്ടർ ആപ്ലിക്കേഷൻ, ഡാറ്റാ എൻട്രി ടെക്നിക്സ് ആൻഡ് ഓഫീസ് ഓട്ടോമേഷൻ, സർട്ടിഫിക്കറ്റ് കോഴ്സ് ഇൻ ലൈബ്രറി സയൻസ് എന്നീ കോഴ്സുകൾക്ക് അപേക്ഷിക്കുവാനുള്ള തീയതി 2024 ജൂലൈ 8 വരെ ദീർഘിപ്പിച്ചു. www.ihrdadmissions.org എന്ന വെബ്സൈറ്റ് മുഖേന അപേക്ഷിക്കാം.

 അപേക്ഷയോടൊപ്പം (SBI കളക്ട് വഴി) രജിസ്ട്രേഷൻ ഫീസായി 150 രൂപയും എസ്.സി, എസ്.ടി വിഭാഗത്തിൽ ഉൾപ്പെടുന്നവർക്ക് 100 രൂപയും അടക്കേണ്ടതാണ്. ഓൺലൈനായി സമർപ്പിച്ച അപേക്ഷയുടെ പ്രിന്റ ഔട്ടും നിർദിഷ്ട അനുബന്ധങ്ങളും സഹിതം കോളേജിൽ ജൂലൈ എട്ടിനകം സമർപ്പിക്കേണ്ടതാണ്. എസ്.സി, എസ്.ടി, ഒഇസി, ഒബിസി (എച്ച്) വിഭാഗത്തിൽപ്പെട്ട വിദ്യാർഥികൾക്ക് ഫീസ് ആനുകൂല്യം ലഭിക്കും. കൂടുതൽ വിവരങ്ങൾക്ക് ഐഎച്ച്ആർഡിയുടെ വെബ്സൈറ്റായ www.ihrd.ac.in സന്ദർശിക്കുക. ഫോൺ : 04862 297617, 8547005084, 9744157188.