മണ്ണ്-ജലസംരക്ഷണം: നവീന ആശയങ്ങളറിയാം പ്രദര്‍ശന വേദിയിലൂടെ
മണ്ണ്-ജലസംരക്ഷണത്തിന്റെ നവീനആശയങ്ങള്‍ ജനങ്ങളിലേക്ക് എത്തിക്കുകയാണ് സംസ്ഥാന തദ്ദേശദിനാഘോഷങ്ങളുടെ ഭാഗമായി കൊട്ടാരക്കര കെ ഐ പി ഗ്രൗണ്ടില്‍ സജ്ജീകരിച്ചിട്ടുള്ള മഹാത്മാഗാന്ധി ദേശീയ ഗ്രാമീണ…
മണ്ണ്-ജലസംരക്ഷണത്തിന്റെ നവീനആശയങ്ങള്‍ ജനങ്ങളിലേക്ക് എത്തിക്കുകയാണ് സംസ്ഥാന തദ്ദേശദിനാഘോഷങ്ങളുടെ ഭാഗമായി കൊട്ടാരക്കര കെ ഐ പി ഗ്രൗണ്ടില്‍ സജ്ജീകരിച്ചിട്ടുള്ള മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ സ്റ്റാള്‍. മണ്ണ് സംരക്ഷണത്തിന്റെ ആവശ്യകത കുട്ടികള്‍ക്കും മനസ്സിലാകുന്ന രീതിയിലുള്ള ചെറു രൂപമാതൃക ഉള്‍പ്പെടുത്തിയ സ്റ്റാള്‍ കൗതുകവും അറിവും പകരുന്നു.
പരമാവധി തൊഴിലവസരങ്ങള്‍ സൃഷ്ടിക്കുന്നതിനോടൊപ്പം കാര്‍ഷിക-സാമൂഹിക-പരിസ്ഥിതി മേഖലയില്‍ തൊഴിലുറപ്പ് തൊഴിലാളികള്‍ നല്‍കിവരുന്ന സംഭാവനകളും ഇവിടെ കാണാം. സംസ്ഥാനത്തുടനീളം മഹാത്മാഗാന്ധി ദേശീയ തൊഴിലുറപ്പ് പദ്ധതിമുഖേന നടപ്പിലാക്കിയ വിവിധ പ്രവര്‍ത്തനങ്ങളുടെ സംക്ഷിപ്ത വിവരണങ്ങളും പ്രദര്‍ശിപ്പിച്ചിട്ടുണ്ട്. പദ്ധതിമുഖേന ജനങ്ങള്‍ക്ക് ലഭിക്കുന്ന സേവനങ്ങളുടെ വിശദാംശങ്ങളും മണ്ണ്‌സംരക്ഷണത്തിന്റെ മാതൃകകളും വിവരണങ്ങളും ചേരുന്ന അറിവിടമാണ് സ്റ്റാള്‍.
