ടി20 ലോകകപ്പ്; നമീബിയയെ വീഴ്ത്തി സ്കോട്ട്ലാൻഡ്

ട്വന്റി 20 ലോകകപ്പിൽ നമീബിയയെ തോൽപ്പിച്ച് ആദ്യ വിജയവുമായി സ്കോട്ട്ലാൻഡ്. അഞ്ച് വിക്കറ്റിനാണ് സ്കോട്ടിഷ് സംഘത്തിന്റെ വിജയം. മത്സരത്തിൽ ആദ്യം ബാറ്റ് ചെയ്ത നമീബിയ ഒമ്പത് വിക്കറ്റ് നഷ്ടത്തിൽ 155 റൺസെടുത്തു. മറുപടി പറഞ്ഞ സ്കോട്ട്ലാൻഡ് 18.3 ഓവറിൽ അഞ്ച് വിക്കറ്റ് നഷ്ടത്തിൽ ലക്ഷ്യത്തിലെത്തി.

ടോസ് നേടിയ നമീബിയ ബാറ്റിം​ഗ് തിരഞ്ഞെടുക്കുകയായിരുന്നു. ക്യാപ്റ്റൻ ജെറാർഡ് എരാമസ്മസ് നേടിയ അർദ്ധ സെഞ്ച്വറിയാണ് നമീബിയയെ ഭേദപ്പെട്ട സ്കോറിലേക്ക് നയിച്ചത്. 31 പന്തിൽ 52 റൺസ് താരം നേടി. വിക്കറ്റ് കീപ്പർ സേൻ ഗ്രീൻ 28 റൺസും നേടി. മൂന്ന് വിക്കറ്റെടുത്ത ബ്രാഡ് വീൽ സ്കോട്ട്ലാൻഡ് നിരയിൽ തിളങ്ങി.