ദുരന്തബാധിതർക്ക് നിപ്മറിൽ ടെലികൗൺസലിംഗ്: മന്ത്രി ഡോ. ബിന്ദു

നാഷണൽ ഇൻസ്റ്റിറ്റ്യൂട്ട്  ഓഫ് ഫിസിക്കൽ മെഡിസിൻ ആൻഡ് റീഹാബിലിറ്റേഷനു (നിപ്മർ) കീഴിൽ ടെലികൗൺസലിങ് സംവിധാനം ആരംഭിച്ചതായി ഉന്നതവിദ്യാഭ്യാസ, സാമൂഹ്യനീതി മന്ത്രി ഡോ.ആർ ബിന്ദു അറിയിച്ചു. പ്രകൃതിദുരന്ത ബാധിതർക്ക് മാനസികാരോഗ്യ പിന്തുണ നൽകുന്നതിനാണ് സംവിധാനം.

വയനാട് ദുരന്തത്തിന്റെ കൂടി പശ്ചാത്തലത്തിൽ ഏറെ സഹായകരമാകുമെന്ന് കണ്ടാണ് സംവിധാനത്തിന് തുടക്കം കുറിച്ചതെന്ന് മന്ത്രി പറഞ്ഞു. സാമൂഹ്യനീതി വകുപ്പിനു കീഴിൽ പ്രവർത്തിക്കുന്ന നിപ്മറിലെ മനഃശാസ്ത്ര വിഭാഗത്തിന്റെ നേതൃത്വത്തിലാണ് ടെലി കൗൺസലിങ് സംവിധാനം  ഏർപ്പെടുത്തിയിരിക്കുന്നത്. സേവനം ആവശ്യമുള്ളവർക്ക് 9288099587, 9288004981, 9288008981 എന്നീ നമ്പറുകൾ ബന്ധപ്പെടാം.