ജില്ലാ കളക്ടറുടെ വില്ലേജ് അദാലത്ത് തുടരുന്നു; കയ്യാര്‍ വില്ലേജില്‍ 12 പരാതികള്‍ സ്വീകരിച്ചു

ഒക്ടോബര്‍ 19 വരെ അദാലത്ത് നടത്തും

ജില്ലാ കളക്ടറുടെ വില്ലേജ് അദാലത്ത് തുടരുന്നു. കയ്യാര്‍ വില്ലേജില്‍ 12 പരാതികള്‍ സ്വീകരിച്ചു. സര്‍വ്വേ അസിസ്റ്റന്റ് ഡയറക്ടര്‍ ആസിഫ് അലിയാര്‍, വില്ലേജ് ഓഫീസര്‍ തുടങ്ങിയവര്‍ പങ്കെടുത്തു. ഒക്ടോബര്‍ പതിനേഴിന് രാവിലെ 9.30 ന് വെള്ളരിക്കുണ്ട് താലൂക്കിലെ ചിറ്റാരിക്കാല്‍ വില്ലേജ്, 10.30ന്  വെസ്റ്റ് എളേരി വില്ലേജ്, 11.30 ന് ഭീമനടി വില്ലേജ്, ഉച്ചയക്ക് 12.30ന് മാലോം വില്ലേജ്, വൈകുന്നേരം മൂന്നിന് ഹൊസ്ദുര്‍ഗ് താലൂക്കിലെ പിലിക്കോട് വില്ലേജ്, നാലിന് വലിയപറമ്പ വില്ലേജ് എന്നിവിടങ്ങളില്‍ അദാലത്ത് നടത്തും.

ഒക്ടോബര്‍  പതിനെട്ടിന്  രാവിലെ 9.30 ന് കാസര്‍കോട് താലൂക്കിലെ ആദൂര്‍ വില്ലേജ്, 10.30ന്  മുളിയാര്‍ വില്ലേജ്, ഉച്ചയക്ക് 12 ന് തളങ്കര വില്ലേജ്, ഉച്ചയക്ക് ശേഷം 2.30 ന് ഹൊസ്ദുര്‍ഗ്ഗ് താലൂക്കിലെ ചിത്താരി വില്ലേജ്, വൈകുന്നേരം 3.30 ന് മടിക്കൈ വില്ലേജ്, 4.30 ന് പുതുക്കൈ വില്ലേജുകളില്‍ അദാലത്ത് നടത്തും. ഒക്ടോബര്‍ 19 ന് വൈകുന്നേരം മൂന്നിന് വെളളരിക്കുണ്ട് താലൂക്കിലെ കള്ളാര്‍ വില്ലേജില്‍ അദാലത്ത് നടത്തും.