കുന്ദമംഗലം മണ്ഡലത്തിൽ രണ്ട് റോഡുകളുടെ ഉദ്ഘാടനം മന്ത്രി നിർവഹിച്ചു

കുന്ദമംഗലം മണ്ഡലത്തിലെ രണ്ട് റോഡുകളുടെ ഉദ്ഘാടനം മന്ത്രി പി.എ മുഹമ്മദ് റിയാസ് നിർവഹിച്ചു. പന്തീർപ്പാടം തേവർകണ്ടി റോഡ്, ചെത്തുകടവ് കുരിക്കത്തൂർ മെഡിക്കൽ കോളേജ് റോഡ് എന്നിവയാണ് നിർമ്മാണം പൂർത്തിയാക്കി തുറന്നു കൊടുത്തത്. പിടിഎ റഹീം എംഎൽഎ അധ്യക്ഷത വഹിച്ചു.

പന്തീർപാടം തേവർകണ്ടി റോഡ് മൂന്ന് കോടി രൂപ ചെലവിലും, ചെത്തുകടവ് മെഡിക്കൽ കോളജ് റോഡ് 5.51 കോടി രൂപ ചെലവിലുമാണ് ബിഎം ആൻഡ് ബിസി നിലവാരത്തിലേക്ക് ഉയർത്തി നവീകരിച്ച് ഗതാഗത യോഗ്യമാക്കിയത്.

കുന്ദമംഗലം ഗ്രാമപഞ്ചായത്ത് പ്രസിഡന്റ് ലിജി പുൽക്കുന്നുമ്മൽ, ബ്ലോക്ക്-ഗ്രാമ പഞ്ചായത്ത് അംഗങ്ങൾ, മറ്റ് രാഷ്ട്രീയ പാർട്ടി പ്രതിനിധികൾ, തുടങ്ങിയവർ പങ്കെടുത്തു.